للنقاش , ارجو الدخول

[solari]

السلام عليكم ورحمة الله وبركاته

الحين هالأمر انتشر وبكثرة بين شبابنا وبناتنا

وبين كل الاعمار !!!!!!

ومع العلم من الجميع انه يخالف عاداتنا ويخالف تقاليدنا

وللاسف حطم قلوب الكثيرين وحطم حياة الكثيرين

البعض يحسبها لعبة والبعض ياخذها بجدية

بس ما نقدر نفرق بينهم

المقصود : العلاقات العابرة قبل الزواج

يعني شاف وحدة اعجب بيها راح كلمها و عطاها الرقم والايميل

وكلمها و البداية معروفة من الجميع

انا انسان ملتزم وما احب اجرح حد ولما احب ما اخون و و و و

وكله كلام في كلام !!!!!

والبنت مسكينة مصدقة وتقول ما بحصل مثله

وكل يوم تشكر ربها لانها محظوظة بشاب مثله

والولد اصله لعاب و يخدعها

وكل الي سواه للمتعة فقط !!!

البنت تخون ثقة اهلها فيها وتكلم شاب لا تعرفه ولا يعرفها

وايضا ممكن تكون بين شخصين بينهم صلة قرابة !!!

والكل يعرف هالشي انتشر بين الشباب وبكثرة

وكيف نقدر نقضي على هالظاهرة !!

مع انه الحب جميل والانسان ما يقدر يعيش بدون حب

بس الحين الحب صار بهالطريقة فقط ؟؟؟

----------

موضوع للنقاش ارجو التفاعل

[•°™مستر مخفـﮱ]

::: السلام عليكم :::


اول شي مشكوووور اخوي علـــى طرح هذا المـــوضوع


بالنسبة لشباب وبنات هذي الإيــام مثل ماقلت أنته

بس احب اقولــك كلمة من اخ او صــديق

كل شخــص يختلف عن الثــاني يعني في منهم الزين

وفي منهم الشــين

وبالنســبة لمــوضوع الرقم والإيـــميل

انا اعــطي رأي للولد وللبنت بصــراحة

اول شي الحب ماحرام
وإذا يبي يكلمها بالتلفون يكــلمها بعد مايخطبها

علــى أســاس يمكن هوة كلمها الحين وبعــدين

اهلة ماوافقوا عليــها البنت شو تســتفيد

ونفــس الشي الكلام للبنت

بس في النهــاية
كــل شخـــص حر بنفســـه

وأتمنى لكم الـــتوفيق

[فتــــ الغروب ــــاة]

بنسبه لى الله خلق لنا العقل وكل شخص يحكم يعقله زين راح يميز بين الصح والغلط
ولى يخلى عواطفه والكلام الحلو يسيطر عليه فهذا ضعف وقله ايمان .
اما بنسبه حق الاشخاص الا غراضها العب والتسليه وتمضيه الوقت فهذا انا اعتبره شخص تافه تشغله امور دنيا ولا يحسب الاخرته وهذا الكلام للبنت وللولد واذا البنت تعرضت وانها انخدعت من قبل شاب فهذا خطا منها وليش من الشباب ما احد غصب عليها بشئ وكل وحده لها عقل. والشباب كل واحد وضميره ( ان الله يعلم ما فى النفوس ) .


تسلم على الموضوع

[عيون اللواتيا]

مشكووووووووووووور اخوي



ويعطيك ربي الف عافية


والى الامام دوما

[عاشقة الصمت]

http://up.c-ar.net/06/06/0c53.gif

موضوع جميييييييل اخوي سولاري

احييك على طرحه كثييييييييييير

وانا بعد اقول الحب مو حرام

لكن اللي احب اقوله

ان الاشخاص اللي تكون عندهم هالحركات

سواء كانوا بنات او اولاد

وهمهم الوحيد هو التعارف واللعب والمتعة

وتعبئة وقت الفراغ

فهؤلاء يعتبروا من وجهة نظري اشخاص

عندهم مرض نفسي

لانه مافي انسان عاقل وصاحي ويخاف ربه

يتلاعب بقلوب الناس ومشاعرهم ولا هامه

الاشياء اللي ممكن يسببها بعدين

وطبعا مو كل الناس واحد

سواء كانوا بنات ولا اولاد

وفي النهاية الكل احرار

والكل يعرفون الصح من الغلط

وفي النهاية يجنوا ثمرة عملهم

على انفسهم

ما على الاخرين

واتمنى الهداية باذن الله

لهؤلاء الاشخاص

وانهم يحاولوا يتجنبوا هاذي الاساليب

ونوعيات الحب هذي

لانه الحب لا يمكن يكون بها الطريقة


تقبل اجمل وارق تحية


http://up.c-ar.net/06/06/0c53.gif