(أبوك يتزوج على أمك ) سجل موقفك تحضر زواجــــه ولا ..لا ؟!

[هديل]

بكم أنه حلال بالشرع التعدد للرجل .. وله أن يعدد ويأخذ 4 زوجات .. طبعا دون الجمع بين الأختين أو البنت وخالتها .. أو البنت وعمتها . .كما هو معروف .
لكن في حال كنت أنت أو أنتي .. نشأتوا وترعرعتوا في بيت يسوده الود والرومنسيه بين والديك .. صح يكون فيه أحيانا مشاحنات .. بس هذي سحابة صيف واتعدي ..

ولكن فجأه .. يتغير الوضع .. وتحس التوتر و الغموض يكتنف أسرتك.. .. وحسيت إن ( الأمر أمر ) و أبوك مخبي شي ...

ومع التنبيش اكتشفت ان ابوك عقد قرانه على عروس جديده .. وفي عالم ثاني ..

وأمك المسكينه .. حاسه إن الموضوع فيه إنّ .. لكن مهيب قادره تجزم ...

وجا موعد الليله الكبيره ...

إيش راح يكون موقفك:

====================

1- بتصارح أمك وتقنعها إن الوالد معاه حق ..بس ما تحضر !

2- بتتناقش مع أبوك.. وتقف في صف الوالده.. وتثنيه عن عزمه .. وتفركش الزواج!

3- أو بتبارك لأبوك .. وتحضر معاه العرس .. وإنت مرتاح الضمير !

4- والا بتخاف على شعورأمك .. وماتحضر العرس .. وتزعل منه مع الوالده !

5- ... سجل موقف آخر لو فيه ؟؟؟ !

[الزعيمـــــه]

اول شي مشكوره اختي ع الموضوع

ثانيا الصراحه بوقف ويا ماما وبكون ضد بابا

صحيح ان الشرع حلل 4 لكن اذا كان في سبب شرعي

لكن مني والدرب يروح يتزوج طبعا بكون ضده

لا ومخبي ع ماما بعد

هذا شي كبير

الصرااااحه بوقف ضده

صحيح اني بحترمه وبحبه لانه ابوي لكن غير عن اول

مو مثل قبل اقل

لان كيف تهوون عليه هالعشره ويا زووجته

المهم لي عوووووودة

[هديل]

تسلميلي حبيبتي على مرورج الدائم وتعليقاتج المتألقة دوما
العفو اختي

[ღدلوعة اللواتياღ]

انا بالأول راح اسأله شو الأسباب

لأن مهما كان هاي ابوي وابي اعرف شو السبب الي

يخليه يدور على الراحه برع بيته

ابي اعرف منه شو الي ناقص شو الي مو مريحه

واذا كان في تقصير راح اسأله ليش ما نبهنا عليه لأن ماكو بيت ما تصير فيه
اختلافات عائليه

واذا اصرعلى موقفه ابارك له لأن الله مشرع هالشي

واوقف وقفة حزن مع امي الغاليه واساندها واحاول اكون لها العون الي تبيه في مثل هاللحظه


اما اذا كان مافي اي سبب يخلي الأب يدور على راحته برع

يعني بس كذي

راح اوجه ابوي

واوضح له

جل من لا يسهو

راح اوضح له مسؤليته تجاهنا وموقفه شو ممكن يدمر

وماراح اخاصمه هاي ابوي تعب علي رباني وكبرني

بس راح ازعل لزعل امي الغاليه

وراح اكون مع الأثنين

لأن امي محتاجه لي وابوي ما ابي ازعله

تسلمين حبيبتي على الموضوع

يعطيج العافيه

[جرهم]

لا
خليه يتزوج أحسن على شان تكثر الذريه
وتكون الأمه قويه والرسول صلى الله عليه وآله
يباهي بنا الأمم يوم القيامه
وكذا نساهم في التقليل من العنوسه
بس العدل ( يابابا )
وانا بوقف ويا كل بابا
ضد كل ماما ......

[عيون اللواتيا]

موضوع حلووووووو تشكراتي اختي


اولا انا مستحيل اوقف ضد امي ولا ابوي


بروح لابوي بفهم السبب الي يخلية يتزوج واذا كان الغلط من امي بنحاول نسوي الامر طبعا مستحيل ازعل الطرفين لا رضاهم اهم شي بالدنيا وانا من دونهم ما اسوى

بس بحاول اني ارضي الطرفين واقناع الوالده ان الي صار شي عادي

وبيظل والدي مثل ما هو لان الشرع قال ان الزوج يعدل بين زوجاته


وهذي وجه نظري يمكن ما عرفت اشرحها اكثر

[المسافر]

موضوعك وايد حلو,,,,, فى الحقيقة ربما الموضوع يكون حساس وصعب تصارح الوالدة فيه, بس الشئ اذا فيه راحت الوالد اكيد ما راح يزعل لانه الشرع حلل له وهذا من حقه وعلي الجميع الرضي بالواقع فى النهاية



اخوكم/ المسافر

[عاشق الأحلام]

مشكورة عزيزتي على الموضوع...
أنا أضم صوتي لصوت الأخ العزيز ودناس
أكيد بخليه يتزوج بس أيضا بوصية بالعدل بين زوجاته على شأن مايحصل الأثم على الي هو سواه.
أما بالنسبة للوالدة أحوال أن أفهمها الوضع ,احوال اقنعها إن هذا الزواج ماراح يأثر على علاقتها مع الوالد.. وبكذا عملت الي علي

[هديل]

لا
خليه يتزوج أحسن على شان تكثر الذريه
وتكون الأمه قويه والرسول صلى الله عليه وآله
يباهي بنا الأمم يوم القيامه
وكذا نساهم في التقليل من العنوسه
بس العدل ( يابابا )
وانا بوقف ويا كل بابا
ضد كل ماما ......


اخوي حبيت اعلق على كلامك احترم رايك لكن الصراحة انه الاسلام فعلا حلل الزواج من اربع لكن مو كذاك وبس لازم يكون في سبب للزواج مو علشان الاسلام حلل وخلاص وبعدين لانك رجال بتقول هالكلام ايش ذنب الوالدة الله يطول في عمرها لازم تعرف ايش السبب الي يخلي الوالد يتزوج ويعطيها فرصة يمكن تحاول تغير الاخطاء الي تسويها
وجهة نظرك واحترمها لكن لازم نعالج الموضوع بين الاثنين.
وتسلم على الرد

[هديل]

تسلموا جميعا على المرور

[عيون المها]

انا ما بوقف ويا حد بس يمكن يقل حبي لبوي بس مب معناه احقد عليه

وبخفف من الم امي والصدمه الى صارة لها

وتسلمين الغاليه على الموضوع الجميل

ودمتي بود:l