المساعد الشخصي الرقمي

مشاهدة النسخة كاملة : سالفة مستويه لأخوويا وجاتلتني قهر .....

@بدر البدور@
2007/04/20, 12:03 PM
السلام عليكم


اسمعوا السالفه كامله وابغيكم تقولون رايكم فاللي استوى

انا عندي اخوو صف سادس

المهم هو قبل البارحه حليله كان منجلب فالدراجه ماله ومتعوره ريله انزين المهم ودوه المستشفى وعطاه الدكتور ورقه عسب يوديها للأستاذ ،، هي ورقة خروج ،، عسب بالباجر بيكون عنده موعد

يعني الموعد كان البارحه

حليله كان عنده كلاس والورقة كانت فمخباه فسار عند الاستاذ جدام فالكلاس وجان يظهر الورقة من مخباه عسب يعطيها للأستاذ ،، بس الورقة علقت فطرف مخباه وطاحت عنه ،،


تتوقعون شو بتكون ردة فعل الاستاذ





،،






،،






بكل بساطه وسار عطى خوويا طراق ( يعني صفعه ) على ويهه ،، وبعده دحه على ظهره

وقال باللهجه المصريه ،، دي اخرت التربيه اللي ربوها لك أهلك

كل ها عسب طاحت الورقه من خوويا فديته


الاستاذ يقول أونه هو عق الورقه عليه

بس خوويا ،، مب عسب خوويا بمدحه وبوقف وياه

بس ماشالله عليه هادي وشطور


وحليله عاد صغيرون ماقال للأستاذ شي

يوم وصل البيت امااايا شافته متغير

سألته

حليله تم يصيح وخبرها

لو مب مظلوم أو انه يجذب مستحييل يصيح أعرفه اخوووي

المهم هم اتصلوا للمدير

وكلمووه


بس مابيسكتون عن السالفه لنه هم هني فالبيت ماينضربون بسير هاذا ويضربه

جيييييييه


لا والمشكله هوو مريض عنده صداع نصفي ودووم تعبان يسير ويضربه



المهم

احين انتوا تشوفون انه الاستاذ له الحق انه يضربه وهو مب مسوي شي


متوعدين للأستاذ يودونه ورى الشمس ( المقصود فيها على قولة خوويا والله مااسكت لين ما أخليهم ينقوله السلع )



يالله اتريا ارائكم...
اغلى الناس
2007/04/20, 12:11 PM
اول شي الحمدالله ع سلاامة اخووج

وثااااني شي حسبي الله ع الاستاااد
حشى عوووووووووووف

ثااني شي قواانين الوزارة ممنوع الضرب للطلااااب
يعني ما يحق للمصري هذااا يضرب الطلااااب

وهنيه انتواا لاازم تتحركون وتخبرون المسؤولين عنه والي سوااه باخووج
واذاا ما اتخذت اي قراار او عقوبه
وصلوا الخبر للوزارة ع طوول ولاا تسكتون عن حقكم

والحمدالله ع سلاامة اخوج مرة ثاانيه
@بدر البدور@
2007/04/20, 12:23 PM
تسلمين اغلى الناس على المرور

لا طبعا مابيسكتون

اخوويا متحلف

وابوويا بعد ابوويا وصلها الوزارة


ويوم السبت اصلن الشيوخ بيوون المدرسه عسب يكرمون
واخويا حالف ستمية ألف يمين انه على قولته لينكل فيهم تنكيل وبيخبر الشيخ

والله مابنسكت لو شو ومابنرضى الا بنقله اخر القمر
اغلى الناس
2007/04/20, 12:28 PM
والله يبااااااااالهم احد يوقفهم عند حدهم

عااااااااااد فديتج خبريناا شو اللي يستوى >> الفضول بيذبحني ههههه
@بدر البدور@
2007/04/20, 12:36 PM
هيه
والله يختيه فديته مريض

ويوم السبت اصلن الشيوخ يايين عسب يكرمون اللي مشاركين فالأنشطه

وهو مشارك فمسابقة قطار المعرفه

وعميه اليوم سار لهم المدرسه لنه باباتي فالدوام

بس الاستاذ مصر على انه خوويا عاق الورقه فويهه

بس الكل يقول مستحيييييل

واقوولج احين ماشي سالفه فالبيت غير هالسالفه

هي حديث الموسم

والله يعينك يالاستاذ علينا دواااااك
وان شاء الله خبرج شو استوى
نبض قلبي
2007/04/20, 03:07 PM
سلامته مايشوووف شر
ترى المصريين مايتفاهموون ومهما كان الولد غلطان ماتوصل للضرب
وبعد موب من حقه يضرب الولد << عاد طرااج
زين اتسوون فيه احسن شي يتحاسب عسب مايكررها مره ثاانيه ويعرف انه اولاد النااس هب لعبه
ونترياااا الاخباااار..............
@بدر البدور@
2007/04/20, 03:46 PM
الله يسلمج اختي....
,,,,بصراااحه هو يستاااااهل

بس بعد فيها قطع ارزاق

بس والله وربي يستاااهل


احين جاري البحث فالموضووع
والسالفه بتوصل الشيوخ وخل هم يتصرفووون
!! مملكة عمري !!
2007/04/22, 01:01 AM
سلاااااااااااااااااماته اخووووووج بدر البدور ما يشوف شر ان شاءالله يعل عين امج ما تبكيج

والله يا اختي المصريين الله يهديهم معروفين بالهمجية الزايدة ويقللوا من قيمة اهل الخليج على حسب ما يقولوه انهم بطرانين ويبون زله عشان يشبون نار عليهم om (3)

والله ذكرتيني بسالفة صارت لما كنت اول ثانوي كنت بالصف وفي بنت صرخت بقوووووة وعبالها انا الاستاذة مصرية عصبت وقلتلها مب انا وحاولت فيها قامت تنازعني وقالتي نفس هالحكي والله عاد انا عزت علي نفسي اول مرة يصير معي صح كنت مربوشة بس مو لدرجة اقل ادبي واحترامي للكبير :b وتحلفت عليها وخبرت ابوي بعدين اتصل بالمديرية حق ربعة وانقلوها om (2)

يستاهل الاستاذ اي شئ تسوووه فيه هذي مدرسة مو سوق والمفروض يكون قدوه حق الطلاب
نآعمة الآنفآس ..~
2007/04/22, 09:12 PM
سلامات
المعلم ما يستحي
إماراتي عسل
2007/04/22, 11:06 PM
سلامات ما يشووف شر ان شاء الله

والله الاستاذ ماله حق يضرب الطالب

يالله مكثرهم الزلمات

والله لو بأيدي اسفره ولد المصريه لكن للأسف الشديد
دانة صحار
2007/04/23, 11:30 AM
الحمد لله على سلامة اخوج


المدرس ماله الحق انه يسوي اي شيء بالولد حتى لو كان اللي مسونه شي كايد لو ان شاء الله تفل في وجهه

هو لازم ما دام ما ععجبته الحركة يكلم احد اكبر ويخبره باللي صار ما انه يضرب الولد

وبعدين من متى صار الضرب مسموح في المدارس

اضن ان في قرار يمنع الضرب في المدرسة

الله يهدي المدرسين
@بدر البدور@
2007/04/23, 11:40 AM
ترى الاستاذ اتصل فابووويا

وابوويا طرش كوبي من الورقه للمدير,,,,,,,,,,,,



احم احم

ييتكم بالخبر

عقب ماتصل الاستاذ لأبويا

أظن العصر جيه اتصل المدير

وقال لأبويا

انه يخلي السالفه هو بيتولاها

اونه حق اخوويا بياخذه

بس اونه قال لأبويا انه هو بيتصرف

وعلى مسؤوليته

واذا سوى الاستاذ شي مرة ثانيه بيتصرف تصرف ثاني

هذا كلام المدير

وابوويا يوثق بالمدير لنه من زمان وهو فالمدرسه حتى اخوويا العود اللي احين يشتغل هو كان مديرهم فأبويا ما حب يرد الريال


وكان الله غفوراً رحيماً
!! مملكة عمري !!
2007/04/23, 02:58 PM
بدووووورتي سالفة اخوج

om (2) صارت قضية المنتدى om (2)

بس يستاااااااهل ابو الشباب :e
moodi RE MIX
2007/04/26, 08:09 PM
فديته
بس الصراحة انا لو مكان اخووووج ما سكت لان اخوي بعد صار له موقف
دخل الاستاذ سأل اخوووي من كان يطبل بالفسحة
اخوي :انا استاذ
الاستاذ:لو كذبت كنت بضربك
اخوي :لو انت رجال سويها
ضربه الاستاذ و قامو يتضاربون بس بالنهاية انكسرت يد اخوي و الاستاذ برقبتة شخووووط
راح المعلم عطاه فصل نهائي
ابوي اخذ كشف المستشفى و راح الوزارة
بعدين اتصل المدير قاله :يا ولدي ما مشكله تعال
و الغم اخوي مب صغير ثالت ثانوي
بس انتي أخوج اي مدرسة
سهر الليالي
2007/05/30, 04:32 PM
الحمد لله ع سلامه اخووووج ..


الحين هذا الاستااذ صج انه ما يستحي ,,,
الدمعه
2007/06/24, 02:04 AM
الله يشافي اخوج وان شاء الله تـاخذو حقه...
LiL-Ahmed
2007/06/24, 06:24 PM
المهم
احين انتوا تشوفون انه الاستاذ له الحق انه يضربه وهو مب مسوي شي
متوعدين للأستاذ يودونه ورى الشمس ( المقصود فيها على قولة خوويا والله مااسكت لين ما أخليهم ينقوله السلع )
يالله اتريا ارائكم...[/quote]


أختي سلامات حج أخوج ومايشوف شر .... خطاه السو ....


بالصراحة المدرس غلطان 100% وحاولو أنتو أنكم ماتسكتون عن الموضوع روحوا اشتكوا حج المسؤولين في المديرة


وخلوا الاستاذ يوقع تعهد أن مايتعدى على الولد مرة ثانية


هذا وجهة نظري


أتمنى السلامة لأخوج